MANUEL MARTÍNEZ, Alcalde de Becerreá

Documentos relacionados

• PROPOSICION ALCALDIA PLENO EXTRAORDINARIO

O día 3 de Novembro de 2011, ás 20 horas.

PLENO EXTRAORDINARIO E URXENTE POLO RECORTE RADICAL DA XUNTA QUE PON EN PERIGO A AXUDA A DOMICILIO

Estimados veciñ@s, dende o Partido Socialista de Becerreá queremos informarvos do BRUTAL RECORTE ó que a Xunta do Partido Popular, que preside o Sr.Feijoo, nos acaba de impoñer no que se refire ó finanzamento dos Servizos Sociais que son da súa cometencia. Todo isto pon en PERIGO REAL a rede de Servicio de Axuda a domicilio do noso Concello, do que se están a beneficiar moitas familias. Ante a situación límite á que nos expón o Goberno da Xunta, consideramos que é de interese a vosa presencia no Pleno Extraordinario do Xoves 3 ás 20 horas, xa que según demostra o PP parece que as necesidades de atención no domicilio dos nosos maiores e dependentes e as súas familias non lle preocupan o máis mínimo, e se teñen necesidades que as paguen.

Con data 24 de outubro de 2011, o Concello recibíu comunicación da Secretaría Xeral de Familia e Benestar de concesión de subvención ao abeiro da Orde de 3 de marzo de 2011, pola que se regulan as bases polas que se rexerá a concesión de subvencións destinadas ao cofinanciamento da prestación de servizos sociais polas corporacións locais e se procede á súa convocatoria. Para o concepto persoal de servizos comunitarios municipais: Traballadora social, conceden 15.012,59 cando no ano 2010 se concederan 15.802,73 € e para AXUDA NO FOGAR (PRESTACIÓN BÁSICA) 4.505,06 € cando no ano 2010 se concederan 17.259,35 €.

 Podedes descargar a PROPOSICIÓN DA ALCALDÍA RELATIVA AO FINANZAMENTO POLA XUNTA DE GALICIA DOS SERVIZOS SOCIAIS. Pinchando AQUÍ

CONVOCATORIA DO PLENO EXTRAORDINARIO:

D. MANUEL MARTÍNEZ NÚÑEZ, Alcalde-Presidente do Concello de Becerreá.

FAI SABER:

Que o vindeiro 3 DE NOVEMBRO DE 2011 as 20:00 HORAS, na Casa do Concello celebrarase sesión extraordinaria e urxente do Pleno municipal.

Esta convocatoria motívase na urxencia e conveniencia en tratar en sesión independente, con un único tema na orde do día relativo ao finanzamento pola Xunta de Galicia da prestación dos servizos sociais en concreto pola reducción notificada ao Concello de Becerreá da axuda concedida ao abeiro da orde do 3 de marzo de 2011 para o programa de axuda no fogar (prestación básica) respecto da concedida no exercicio anterior.

ORDE DO DIA

1.- Ratificación da urxencia da convocatoria da presente sesión extraordinaria e urxente.
2.- Proposición da Alcaldía relativa ao finanzamento pola Xunta de Galicia da prestación dos servizos sociais.
3.- Proposición da Alcaldía relativa á adopción do acordo correspondente facultando a ésta para o exercicio das accións administrativas e xudiciais que correspondan, ben sexa directamente ou encomendándoa ao Servizo de cooperación e asistencia cos Concellos da Deputación Provincial de Lugo.