MANUEL MARTÍNEZ, Alcalde de Becerreá

Pleno Extraordinario

MARTÍNEZ: "Si desaparece esta Xunta do PP, en Becerreá non nos enteríamos"

No pleno extraordinario do 3 de novenbro deste 2011 o Partido Socialista amosou a súa preocupación pola situación creada pola Xunta do Sr. Feijoo coas súas politicas de austeridade e recortes sociais, que afecta a aqueles que mais o necesitan, ós nosos maiores e os dependentes.

Con data 24 de outubro de 2011, o Concello recíbíu comunicación da Secretaría Xeral de Familia e Benestar de concesión de subvención ao abeiro da Orde de 3 de marzo de 2011, pola que se regulan as bases polas que se rexerá a concesión de subvencións destinadas ao cofinanciamento da prestación de servizos sociais polas corporacións locais e se procede á súa convocatoria. Para AXUDA NO FOGAR (PRESTACIÓN BÁSICA) conceden 4.505,06 € cando no ano 2010 se concederan 17.259,35 €, é dicir cun recorte de case 13.000 Euros.

Martínez espuxo ante todos os membros da corporación e os veciñ@s presentes na Sesión Plenaria os problemas os que se tiña que enfrontar nos vindeiros meses, véndose afectados ós mais de 50 beneficiarios da axuda no fogar e as suas familias, xa que o recorte da Xunta fará que nos meses de Novembro e Decembro esta asistencia veráse afectada e nalgun casos incluso eliminada.

Pero a pesar do recorte nos dereitos sociais da Xunta do PP, o Alcalde compremeteuse a "non deixar nin un só veciñ@ que o precise sen asistencia e axuda no seu domicilio, xa que a boa xestión económica e de recursos levada a cabo dende que o Partido Socialista dende que acadou o goberno municipal permitiralle poder ofrecer este servicio que debería prestar a Xunta, con recurso exclusivamente municipais a partir de xaneiro de 2012". Puxo a súa xestión en contraposición coa que leva a cabo a Xunta do PP, na que o seu único obxetivo é a austeridade, o recorte de dereitos sociais, eliminando os libros gratuitos nas escolas, eliminando centos de mestres, pechando colexos, privatizando a sanidade, etc...; facéndolle unha pregunta ó Portavoz do PP que este non soubo respostar: "con tanta austeridade e recorte na Xunta, ¿onde están os cartos?, ¿en que os invirten?".

Martínez tamén lle manifestou ós representantes do Partido Polular no Concello que para Becerreá e para os seus veciños, "se esta Xunta desaparecera, non notariamos a súa falta, xa que nos mais de 2 anos e medio que levan gobernado en Galicia, as inversión do PP no noso Concello son nulas, non recibimos nin un só euro que non lle tocase por lei; pero con este sectarismo non discriminan a Manolo Martínez e ó PSOE, senón que discriminan a tódolos  veciñ@s de Becerreá". Tamén retou a González Madarro (PP) a que lle dixese unha soa inversión que trouxera para o noso Concello, non respostando, xa que o silencio era a unica resposta posible.

O pleno finalizou coa votación PROPOSICIÓN DA ALCALDÍA RELATIVA AO FINANZAMENTO POLA XUNTA DE GALICIA DOS SERVIZOS SOCIAIS (descargar aquí), á que o BNG añadíu unha enmenda, mentres que o PP non aportou nin inha soa proposta. Foi aprobada por unanimidade, incluíndo o acordo:

1°.- Solicitar á Consellería de Traballo e Benestar:

- A relación dos beneficiarios con Resolución PIA, co número de horas subvencionadas de cada un deles, no presente ano.
- A aprobación da Resolución PIA para os beneficiarios valorados como dependentes, pola totalidade das horas que lles correspondan, para que o Concello poida prestar o servizo realmente axeitado ás necesidades destes usuarios.
- Pago a este Concello da cantidade de 16.536,96 Euros polos usuarios atendidos dentro do programa SAF prestación básica pero que deberían ter recibido Resolución do PIA.

2°.- Comunicar á Consellería de Traballo e Benestar que, no vindeiro exercicio, o Concello vai prestar as horas que sexan financiadas, e non a totalidade das sinaladas na Resolución PIA, e que, no caso de que non se incremente o financiamento do SAF, na modalidade de libre concorrencia, o Concello non asumirá a prestación do servizo aos dependentes valorados sen resolución PIA.

3°.- Dar traslado do presente acordo á:

- Sra. Conselleira de Traballo e Benestar.
-Sr. Presidente da Xunta da Galicia.
- Grupos do Parlame nto Galego (PP,PSG, BNG)
- Sr. Deputado- Delegado da Área de Benestar da Deputación Provincial de Lugo, aos efectos de que, se dispón de datos nesta materia, informe a este Concello da situación na que se atopan os demáis Concellos da Provincia.
- Sr. Deputado- Delegado da Área de e Asistencia aos Concellos, solicitándolle que polo Servizo de Asesoramento se emita informe sobre o alcance da obriga legal dos Concellos na prestación do servizo de axuda no fogar, nas modalidades de dependencia e libre concorrencia.