jueves
24 / 05 / 2012
jueves
24 / 05 / 2012
Comunidades >> Cee >> Documentos >> Novas Concello de Cee
18 Marzo 11
Compartir:
Realizaron un percorrido pola nova Casa da Cultura de Cee, cuxas obras están practicamente rematadas, e desprazaronse despois ata o campo de fútbol, onde o esperaban os nenos que xogan nas categorías inferiores do Atlético Pereiriña e Unión Cee.
O campo foi dotado de terreo de xogo de herba artificial e de iluminación, que permitirán un uso máis intensivo das instalacións e mellorarán as condicións do xogo, cun orzamento de 466.000 euros.
Segundo lembrou Fernández Moreda, o campo inaugurado hoxe fai o número 70 dos que construíu a Deputación noutros tantos municipios da provincia, moitos deles municipios de pequeno tamaño, porque “na Deputación queremos facer normal o que xa é normal nas cidades: garantir o acceso a servizos públicos de calidade”, co obxectivo de “que a xente teña maior calidade de vida, maior benestar, en definitiva, que sexa máis feliz”, apuntou o presidente da Deputación.
Pola súa banda, o goberno de Cee agradeceron o importante apoio económico da institución provincial para facer realidade estes proxectos no municipio. Non era posible deixar pasar a oportunidade que daba a Deputación para mellorar as instalacións.
A inauguración da nova gardería, supuxo un investimento de 180.000 euros, dos que 107.000 foron achegados pola Deputación da Coruña, Cee será o único municipio da Costa da Morte que conte con dúas escolas infantís municipais.
Tras a inauguración do campo de San Paio de Refoxos, a comitiva desprazouse ata a nova gardería de Raíces de Arriba, que conta cunha superficie de 438,70 metros cadrados nos que se distribúen as catro aulas do centro, que darán servizo a un total de 60 nenos.
O novo edificio conta con medidas de aforro enerxético, materiais ignífugos, xanelas deseñadas para evitar a rotura de cristais que poidan danar aos pequenos e chan antiimpacto, así como adaptación de todas as estancias para que poidan ser utilizadas por menores con calquera tipo de discapacidade.
