Imágenes

• 
• 
• 
• 
• 
• 

Nun mitin en Ortigueira, lembra que a Xunta de Feijóo “pagou un millón de euros por un informe que afirmaba que da fusión das caixas galegas sairía a quinta entidade de España, e o resultado foi que quedamos sen caixas”

Caamaño advirte de que co informe da Xunta sobre o dique flotante “podería pasar o mesmo que co das caixas: que quedemos sen cartos e sen sector naval”

O cabeza de lista dos socialistas coruñeses ao Congreso e ministro de Xustiza, Francisco Caamaño, afirmou hoxe que “o Partido Popular, cando non ten a quen culpar dos seus problemas, encarga un informe, paga un millón de euros por él, e problema resolto”.

O cabeza de lista dos socialistas coruñeses ao Congreso e ministro de Xustiza, Francisco Caamaño, afirmou hoxe que “o Partido Popular, cando non ten a quen culpar dos seus problemas, encarga un informe, paga un millón de euros por él, e problema resolto”.

“É o que fixo coas caixas, pediu un informe que dicía que da fusión sairía a quinta caixa de España, e agora resulta non temos caixas en Galicia”, afirmou Caamaño, que advertiu de que “podería pasar o mesmo co sector naval: que paguemos o que non temos polo informe, e despois quedemos sen cartos e sen sector naval”.

Para o candidato socialista, “cada vez que a Xunta ten un problema, dálle unha patada cara adiante, e resólveo temporalmente”; pero considerou que “ésta non é a forma de solucionar os problemas”, porque “xera falsas expectativas”.

Caamaño fixo estas afirmacións durante o mitin celebrado esta tarde no Teatro da Beneficencia de Ortigueira, no que estivo acompañado polo exalcalde da Coruña, Francisco Vázquez, e polo voceiro municipal dos socialistas na localidade, Juan Penabad.

O cabeza de lista dos socialistas coruñeses defendeu tamén “as posibilidades” de desenvolvemento coas que conta Galicia, a pesar da crise, e acusou á Xunta de Galicia de estar “ausente” e non saber aproveitar estas grandes potencialidades.

“Este país ten galegos dispostos a traballar e sacrificarse, temos capacidade e autoestima, só nos falta un goberno que crea en Galicia”, afirmou Caamaño en alusión á Xunta de Feijóo, á que acusou de aplicar recortes no ámbito social, sanitario e educativo como “a supresión da gratuidade dos libros de texto”, ou “o repago” na sanidade, que son “un adianto do que fará Rajoy se chega ao Goberno”, afirmou.

“Somos moitos os que defendemos o dereito a disfrutar dunha sanidade e dunha educación públicas e universais; somos unha maioría os que cremos na igualdade de oportunidades; somos unha maioría os que non queremos dar pasos atrás no estado do benestar. Sexamos tamén unha maioría nas urnas”, pediu Caamaño aos asistentes.