Imágenes

• 
• 
• 

O candidato socialista visitou hoxe a sede de COGAMI en Santiago

Caamaño afirma que a Lei de Dependencia “é perfectamente sostible e viable”

O cabeza de lista dos socialistas coruñeses ao Congreso e ministro de Xustiza, Francisco Caamaño, afirmou hoxe que a Lei de Dependencia “é perfectamente sostible e viable, ten o seu proxecto de financiación, e pódese levar a cabo”, a través da busca de novos ingresos como a suba impositiva “ás rendas máis altas”.

O cabeza de lista dos socialistas coruñeses ao Congreso e ministro de Xustiza, Francisco Caamaño, afirmou hoxe que a Lei de Dependencia “é perfectamente sostible e viable, ten o seu proxecto de financiación, e pódese levar a cabo”, a través da busca de novos ingresos como a suba impositiva “ás rendas máis altas”.

Segundo Caamaño, un imposto sobre as grandes fortunas, “como o que xa existe noutros países europeos”, facilitaría “os recursos necesarios para atender aos sectores máis necesitados da poboación”.

Francisco Caamaño fixo hoxe estas declaracións en referencia á entrevista publicada hoxe a Mariano Rajoy, na que asegura que a Lei de Dependencia “non é viable”, e advertiu que cuestións como ésta fan que as eleccións xerais do vindeiro domingo “sexan tan importantes” para o futuro.

O cabeza de lista do PSOE coruñés criticou tamén “a permanente indefinición” de Rajoy que “está afectando á estabilidade” económica do país. Neste sentido, instou ao líder do PP a “explicar o que vai a facer a partir do día 21”.

Francisco Caamaño fixo estas declaracións durante a visita que esta mañá realizou á sede compostelana da Confederación Galega de Persoas con Discapacidade (COGAMI), da que gabou “o gran labor social” que desenvolve.

Segundo explicou o cabeza de cartel dos socialistas, COGAMI non só emprega directamente a persoas con discapacidade nas súas empresas, senón que “coloca no mercado laboral a máis de 2.400 persoas cada ano”.

Para o candidato do PSOE as administracións públicas deben seguir apoiando a este tipo de organizacións, que son “unha axuda moi necesaria para as persoas con discapacidade e as súas familias”.

Pola súa banda, o presidente de COGAMI, Anxo Queiruga, agredeceu a visita do ministro hoxe “e moitas outras veces”, nas que “se interesou e preocupou por estes temas”