Caamaño atreveuse cuns acordes de guitarra durante a festa de peche de campaña dos socialistas

Imágenes

• 
• 
• 

O candidato socialista agradeceu “o traballo, ilusión, e compromiso” dos militantes socialistas nunha intensa campaña, na que percorreu máis de 6.500 quilómetros

Francisco Caamaño pide o voto para o PSOE para que “a política prime sobre a economía e os dereitos se impoñan sobre os recortes”

O cabeza de lista dos socialistas coruñeses e ministro de Xustiza, Francisco Caamaño, instou hoxe aos galegos a votar polo PSdeG-PSOE nas eleccións do vindeiro domingo “para que a política prime sobre a economía; para que os dereitos se impoñan sobre os recortes, e para que a sociedade estea por enriba dos poderes financieiros”.

O cabeza de lista dos socialistas coruñeses e ministro de Xustiza, Francisco Caamaño, instou hoxe aos galegos a votar polo PSdeG-PSOE nas eleccións do vindeiro domingo “para que a política prime sobre a economía; para que os dereitos se impoñan sobre os recortes, e para que a sociedade estea por enriba dos poderes financieiros”.

Caamaño, que advertiu do moito que nos xogamos nestes comicios, pediu tamén o voto para a lista que encabeza “porque hai dous modelos diferentes, dúas formas de saír da crise: todos xuntos, sen que ninguén quede atrás, como propón PSOE, ou deixando que os que menos teñen paguen as consecuencias dunha crise que eles que non causaron”.

“Non é o mesmo que goberne a esquerda ou que o faga a dereita. Non é o mesmo Rubalcaba que Rajoy. Non é o mesmo un candidato que cre no que di, que un candidato que le o que di”, sentenciou Francisco Caamaño, que defendeu “a seguridade” que ofrece Rubalcaba en aspectos como garantir a prestación por desemprego, a atención aos dependentes, ou a sanidade e a educación pública, fronte “á intertidume e os depende” de Rajoy.

Os resultados das receitas do PP en Galicia

Neste sentido, afirmou que, “en Galicia, Feijóo xa nos adiantou cales serán as receitas de Rajoy para saír da crise, e os seus resultados están á vista: o paro increméntase o dobre que no resto de España, mentres se recorta en educación, sanidade e políticas sociais”.

“Galicia xa cometeu un erro histórico confiando en Feijóo. Non podemos cometer outro confiando agora en Rajoy. Serían demasiados erros para a historia galega”, afirmou o cabeza de lista do PSOE coruñés.

Máis de 6.500 quilómetros percorridos

Caamaño, que participou esta noite co resto de candidatos socialistas da provincia na festa-mitin de peche de campaña dos socialistas coruñeses, tivo palabras de agradecemento para todos os que, dun xeito ou outro, colaboraron na “intensa” precampaña e campaña electoral, con 150 actos en máis de 60 concellos da provincia da Coruña; na que o cabeza de lista socialista percorreu máis de 6.500 quilómetros.

“O esforzo pagou a pena”, dixo o ministro socialista, que agradeceu “o traballo, a ilusión, e o compromiso dos militantes e simpatizantes” do PSOE que, dende todas as agrupacións da provincia, contribuíron á campaña e á difusión do programa socialista.

“Estou orgulloso de pretencer a un partido, o PSOE, que sabe facer autocrítica, dar a cara e responder ante a sociedade”, afirmou Francisco Caamaño, antes de pedir o voto para a candidatura socialista que encabeza para “parar á dereita”.